Zdraveva: Autoritetet janë mësuar që qytetarët të heshtin
Në vendin tonë, përgjegjësia ligjore vihet në pikëpyetje nga mënyra se si funksionojnë institucionet që zbatojnë ligjin. Për sa i përket përgjegjësisë morale, etike, politike, këto janë disa gjëra që për fat të keq në këto më shumë se 30 vite sistem demokratik në parim apo sistem demokratik në letër nuk kemi arritur t’i ndërtojmë […]
Në vendin tonë, përgjegjësia ligjore vihet në pikëpyetje nga mënyra se si funksionojnë institucionet që zbatojnë ligjin. Për sa i përket përgjegjësisë morale, etike, politike, këto janë disa gjëra që për fat të keq në këto më shumë se 30 vite sistem demokratik në parim apo sistem demokratik në letër nuk kemi arritur t’i ndërtojmë fare, tha kryetarja e Komitetit të Helsinkit, Neda Zdraveva, duke komentuar rastin e hetimit të tragjedisë në Koçan në një intervistë për Radion Evropa e Lirë, transmeton Portalb.mk.
Siç tha ajo, viteve të fundit apo edhe në dekadat e fundit jemi përballur me drejtësi selektive dhe nuk është për t’u habitur perceptimet e publikut se hetimet zhvillohen në mënyrë selektive, akuzat bëhen në mënyrë selektive, gjykimet zhvillohen në mënyrë selektive, zgjidhet kush do të gjykohet dhe masa e dënimeve përcaktohet në mënyrë selektive, kur bëhet fjalë për procedimin penal.
“Nuk është hera e parë që njerëzit dalin me kërkesa për ndryshime sistematike, sepse nga ajo që po ndjekim, iniciativat që kanë dalë në Shkup, të cilat kërkojnë ndryshime sistematike, që nuk kërkojnë zgjidhje sot për nesër, nuk kërkojnë drejtësi në raste specifike, por kërkojnë drejtësi që do të zbatohet në përgjithësi ose një sistem që do të mundësojë një shoqëri të drejtë, një shoqëri për të gjithë. Kjo është një tendencë që, për fat të keq, e kemi edhe ne prej vitesh, me linçimin publik të atyre që nuk janë dakord me një opsion të caktuar politik. E cila, ju e dini, është shumë interesante. Ju keni një grup njerëzish që protestojnë, duke kërkuar atë që përfaqëson qeveria. Protestat janë të drejtuara kundër sistemit në përgjithësi dhe kundër të gjithë aktorëve të sistemit dhe kërkojnë një shkallë përgjegjësie dhe vigjilence në shoqëri, diçka që e kërkojnë edhe në mënyrë deklarative pushtetarët. Në të njëjtën kohë ata sulmohen ashpër nga media që janë afër opsioneve politike të qeverisë apo individëve në ato media”, tha Zdraveva.
E pyetur se, pse askush në këto protesta nuk kërkon rrëzim të qeverisë, ajo tha se, autoritetet tek ne janë mësuar që qytetarët heshtin.
“Sepse, e dini, nëse e zhvendosim në një kontekst më të gjerë shoqëror, sepse autoritetet në vendin tonë, si rregull, janë mësuar që qytetarët heshtin. Edhe kur zgjedhin të heshtin, të dalin në ato mitingje partiake gjatë periudhave parazgjedhore për të duartrokitur dhe bërtitur “po, kështu është” dhe jo për të kërkuar realisht llogari për punën e tyre. Nga kjo, supozoj se është një pozicion mjaft i pakëndshëm kur vërtet duhet të bësh atë që ke premtuar dhe dikush po shikon nga afër për të parë nëse dhe si e bën. Autoritetet tona në përgjithësi nuk janë të mësuar në llogaridhënie dhe përgjegjësi”, tha ajo.
Në zjarrin që ndodhi më 16 mars në diskotekën “Pulse” në Koçan, po atë ditë, jetën e humbën 59 persona, ndërsa më 4 prill, më 7 prill dhe 17 prill, ndërruan jetë edhe tre persona të tjerë, duke e çuar numrin total të viktimave në 62. Nga zjarri mbetën 196 të lënduar që u trajtuan brenda dhe jashtë vendit.
Sipas hetimeve të deritanishme nga institucionet, diskoteka ka punuar me një sërë shkeljesh të mëdha: nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.
LEXO: Familjarët e viktimave të tragjedisë në Koçan protestuan sërish: Drejtësia duhet të dalë në shesh
