Peshkimi rekreativ në Maqedoninë e Veriut shënoi rritje, afër 10 mijë persona merren me peshkim

Në Maqedoninë e Veriut është shënuar rritje e peshkut të zënë në krahasim me vitin e kaluar, ashtu që te peshkimi rekreativ kemi rritje për 80 përqind, ndërkohë ai komercial ulje për 48.4 përqind, transmeton Portalb.mk.

“Në vitin 2024, zënia e përgjithshme e peshkut është 2 475 ton dhe krahasuar me vitin 2023 është rritur për 19.4 %”, raportoi Enti Shtetëror i Statistikave, duke u regjistruar rritje e prodhimit të akuakulturës për 24.7 përqind.

Në Maqedoninë e Veriut gjatë vitit 2024 në peshkim kanë marrë pjesë 9 538 persona, ashtu që vetëm 62 janë femra; ndërsa nga 192 të punësuar në prodhimin e peshkut, 163 janë meshkuj.

Prodhimet e akuakulturës kanë arritur në 2 337 ton, ashtu që 94.4 përqind është peshku i kapur.

“Në vitin 2024 janë prodhuar 95.5 milionë copë vezë peshku me një pjesëmarrje të përgjithshme prej 994 828 kg, që është rënie për 21.1% krahasuar me vitin 2023”, raportoi Enti, duke shtuar se lloji i peshkut që kultivohet më shumë është trofta e ylberit.