Kurti: Epopeja e UÇK-së i dha një hov të pandalshëm kryengritjes së armatosur dhe luftë*s çlirimtare

Më rastin e Epopesë së Ushtrisë Çlirimtare të Kosovës, kryeministri Albin Kurti ka bërë homazhe në Kompleksin Memorial “Adem Jashari” në Prekaz.

Pas këtyre homazheve ai u shpreh se epopeja e UÇK-së i dha një hov të pandalshëm kryengritjes së armatosur dhe luftës çlirimtare.

“Epopeja e UÇK-së i dha një hov të pandalshëm kryengritjes së armatosur dhe luftës çlirimtare, shpërthyen demonstratat gjithëpopullore dhe solidaritet i paparë historikisht ndërmjet shqiptarëve në Ballkan, por edhe gjithandej në mërgatë e njëkohësisht u vetëdijësua e ndërgjegjësua edhe publiku ndërkombëtar edhe diplomacia botërore”, u shpreh Kurti.