Dy nxënës me plagë nga su*lmi i qenit në shkollën e Shirokës trajtohen në Spitalin e Prizrenit, njëri ndalet në Infektivë
Dy nxënës të lënduar nga sulmi i qenit në shkollën “17 shkurti” në Shirokë të Suharekës janë trajtuar në Spitalin e përgjithshëm në Prizren. Një nxënëse është ndaluar për trajtim të mëtejmë në Repartin e Infektivës. Shefi i Emergjencës në Spitalin e Prizrenit, Hekuran Veçgishti ka pohuar se gjatë ditës janë pranuar dy nxënës, ku
Dy nxënës të lënduar nga sulmi i qenit në shkollën “17 shkurti” në Shirokë të Suharekës janë trajtuar në Spitalin e përgjithshëm në Prizren. Një nxënëse është ndaluar për trajtim të mëtejmë në Repartin e Infektivës.
Shefi i Emergjencës në Spitalin e Prizrenit, Hekuran Veçgishti ka pohuar se gjatë ditës janë pranuar dy nxënës, ku njëra prej tyre ka pasur plagë më të mëdha.
“Mjeku i Emergjencës i ka përpunuar plagët, dhe pastaj një është liruar në shtëpi, derisa tjetra që ka pasur plagë në kokë është dërguar në Repartin e Infektivës për trajtim të mëtejmë”, ka thënë Vecgishti për Telegrafin.
Zëdhënësi i Policisë rajonale të Prizrenit, Vesel Gashi ka theksuar se Policia në Suharekë të mërkurën rreth orës 09:50 ka pranuar informatën se ka ndodhur një sulm ndaj nxënësve nga një qen në objektin e kësaj shkolle.“Patrullat policore i janë përgjigjur rastit me urgjencë, ku pasi kanë arritur në shkollë kanë vërejtur një qen brenda shkollës, i cili kishte sulmuar nxënësit e shkollës dhe paraqiste rrezik potencial ende. Qeni ka sulmuar edhe policët mirëpo në shpejtësi është asgjësuar duke e mënjanuar rrezikun e mëtutjeshëm”, ka thënë Gashi për Telegrafin.
Lidhur me rastin është identifikuar dhe arrestuar pronari i qenit.
Rasti është evidentuar si shkaktim i rrezikut të përgjithshëm dhe hetimet rajonale bashkë me njësitë tjera janë duke e hetuar rastin.
