Abdixhiku takon kryeministrin kroat: E falënderova për kontributin për marrëveshjen mes Kosovës, Kroacisë e Shqipërisë

Lumir Abdixhiku, kryetar i Lidhjes Demokratike të Kosovës, në ditën e dytë të Kongresit të EPP-së, është takuar me kryeministrin kroat Andrej Plenkovic.

I pari i LDK-së, ka falënderuar qeverinë kroate për mbështetjen e vazhdueshme për Kosovën, si dh për kontributin dhe gatishmërinë e treguar drejt marrëveshjes trepalëshe në fushën e mbrojtës mes Kosovës, Kroacisë e Shqipërisë.

‘‘Rrugëtimi euroatlantik kroat mbetet model shembullor për secilin shtet tjetër në Ballkanin Perëndimor’’, ka thënë mes tjerash Abdixhiku.

Postimi:

Në ditën e dytë të Kongresit në Valencia, zhvillova takim bilateral me Kryeministrin e Kroacisë Andrej Plenković, i shoqëruar nga Ministri i Punëve të Jashtme Gordan Grlić Radman.