Kuvendi i RMV-së miratoi ndryshimet në Ligjin për arsimin e mesëm
Kuvendi pasditen e sotme në seancën e 42-të me procedurë të shkurtuar miratoi Projektligjin për ndryshimin dhe plotësimin e Ligjit për arsimin e mesëm, i cili u miratua me votim të dyfishtë, përkatësisht me votat e deputetëve të pranishëm që u takojnë komuniteteve që nuk janë shumicë në vend, transmeton Portalb.mk. Ndryshimet përcaktojnë dispozitat që […]
Kuvendi pasditen e sotme në seancën e 42-të me procedurë të shkurtuar miratoi Projektligjin për ndryshimin dhe plotësimin e Ligjit për arsimin e mesëm, i cili u miratua me votim të dyfishtë, përkatësisht me votat e deputetëve të pranishëm që u takojnë komuniteteve që nuk janë shumicë në vend, transmeton Portalb.mk.
Ndryshimet përcaktojnë dispozitat që rregullojnë arsimin e mesëm si të organizuar në mënyrë institucionale, për sa i përket personelit dhe përmbajtjes, në atë mënyrë që mundëson edukimin për të gjithë nxënësit, përfshirë fëmijët me aftësi të kufizuara, formimin e ekipeve gjithëpërfshirëse dhe mbështetjen e nxënësve me aftësi të kufizuara.
Me ndryshimet definohen dispozitat për këshillim karriere, këshilltar karriere dhe një koordinator arsimor praktik. Me ligjin e ri sillet edhe një koncept i ri për provimet në fund të arsimit të mesëm dhe për herë të parë mundësohet organizimi dhe pjesëmarrja e nxënësve në shkollat e mesme.
Të martën e kaluar, deputetët miratuan gjashtë ligje për arsimin me procedurë të shkurtuar – Ligjin për ushqimin e subvencionuar të studentëve, i cili rrit fushëveprimin e shfrytëzuesve të vakteve të nxënësve, si dhe ndryshimet në Ligjin për arsimin fillor dhe ligjin për tekstet shkollore për arsimin fillor dhe të mesëm, Ligjin për arsimin dhe aftësimin profesional, Ligjin për zhvillimin e arsimit, Byronë e arsimit dhe Ligjin për zhvillimin e arsimit.
Më 20 dhjetor, Qeveria kishte tërhequr projektligjin për arsimin e mesëm, sepse me të parashikohej që himni shtetëror të intonohet në fillim dhe në fund të vitit shkollor dhe në patronazhet e shkollave.
