Gjykata e Tetovës e dënoi Mensur Pajazitin me dy vjet burg për vdekjen e Teodora Ristovskës
Gjykata Themelore e Tetovës i ka shqiptuar dy vite burg Mensur Pajazitit i cili në vitin 2022 e përplasi për vdekje Teodora Ristovskën në një vendkalim për këmbësorë, shkruan Portalb.mk. Vendimi u shqiptua sot nga Gjykata e Tetovës. Para fillimit të seancës së sotme një grup qytetarësh u mblodhën para gjykatës në shenjë proteste për […]
Gjykata Themelore e Tetovës i ka shqiptuar dy vite burg Mensur Pajazitit i cili në vitin 2022 e përplasi për vdekje Teodora Ristovskën në një vendkalim për këmbësorë, shkruan Portalb.mk.
Vendimi u shqiptua sot nga Gjykata e Tetovës.
Para fillimit të seancës së sotme një grup qytetarësh u mblodhën para gjykatës në shenjë proteste për të kërkuar drejtësi për Teodorën.
Ky rast ishte në rigjykim.
Paraprakisht Gjykata Themelore e Tetovës Pajazitin e dënoi me tre vjet e gjashtë muaj burg.
Më pas, Gjykata e Apelit ia zvogëloi dënimin në dy vjet.
Kurse Gjykata Supreme i anuloi të dy aktgjykimet dhe e ktheu gjykimin në Gjykatën Themelore të Tetovës.
Teodora u përplas në një vendkalim për këmbësorë më 15 gusht 2022 në Bulevardin “Video Smilevski Bato”, i njohur ndryshe si Rruga Industriale. Ajo ndërroi jetë pak ditë më pas në spital.
