Në Maqedoninë e Veriut janë regjistruar 757 objekte pa leje brenda një viti

Brenda një viti në Maqedoninë e Veriut janë regjistruar gjithsej 757 objekte të ndërtuara pa leje, ashtu që më së shumti ka pasur objekte për banim, transmeton Portalb.mk.

“Gjatë vitit 2024, numri më i madh i objekteve të ndërtuara pa leje 93.8% janë në pronësi private, ndërsa numri më i madh i objekteve të ndërtuara pa leje  19.9% janë objekte për banim”, raportoi Enti Shtetëror i Statistikave.

Në objekte banimi përfshihen objektet banesore, banesore – afariste dhe shtëpitë për pushim dhe rekreacion.

“Sipas llojit të objektit, pa leje janë ndërtuar  151 objekte për banim (19.9%),  99 mbindërtime, meremetime dhe adaptime ( 13.1%),  77 objekte afariste (10.2%),  49 garazhe (6.5%),  147 gardhe (19.4%),  8 shkallë (1.1%),  14 terrasa (1.8%),  20 veranda (2.6%),  93 tenda (12.3%),  26 objekte të përkohshme (3.4%) dhe 73 objekte ndihmëse (9.6%).”, raportoi Enti.